عندما تقوم بعمل فورمات للفلاشة يكون لديك اكثر من خيار FAT32 و NTFS و exFAT هنا سنقوم بشرحهم لتعرف الفرق بينهم ومميزات كل منهم
عندما تقوم بعمل فورمات للفلاشة او لاي بارتشن داخلي او كارت SD يكون لديك اكثر من خيار وهم FAT32 و NTFS و exFAT وفرتهم لك مايكروسوفت في نظام الويندوز ولكن لم تشرحهم واليوم سنقوم بشرحهم لتعرف فوائد كل منهم وعيوبه.
FAT32 نظام ملفات قديم بتستخدمه الشركات في اي Removable disks زي فلاشات اليو اس بي و كروت الذاكرة SD. و NTFS نظام جديد نسبيا بتستخدمه بيئة وينودوز للتعرف علي الهارد ديسك الداخلي اما exFAT فهو نظام جديد من FAT 32 وهو ايضا مدعوم من اجهزة كتيرةزي FAT32 و اكتر من NTFS.
FAT32
اقدم نظام ملفات في التلاته اول مة اتقدم كان مع ويندوز 95 يعني من 20 سنة تقريبا وكان بديل لـ نظام FAT 16 رغم انه قديم شوية الا ان اهم ميزة له انه مدعوم من كل الاجهزة ومن كل انظمة التشغيل عشان كده بتستخدمه الشركات زي kingston في صناعة USB Memory واي removable cards بس ليه عيب ان اكبر ملف مفروض يكون موجود علي البارتشن من النوع ده لازم ما يتعداش حجمه عن 4 جيجا بايت يعني انت لو جايب فلاشة جديدة وحاولت تنقل ملف ايزو مثلا او ملف فيلم مساحته اكبر من 4 جيجا هتظهر لك الرسالة دي " the file is too large for the destination file system " ولحل المشكلة لازم تعمل format للفلاشة او البارتشن لاي صيغة تانية
المميزات : دعم كبير من الاجهزة زي ويندوز وماك ولينكس و اجهزة الالعاب واي جهاز فيه USB Port
العيوب : اكبر ملف لازم ما يتعداش حجمه 4 جيجا واكبر بارتشن يمكن عمله هو 8 تيرابايت - مش مشكلة اوي للمستخدم العادي زينا-
NTFS
نظام ملفات جديد يعمل فقط علي نظام ويندوز عند تنصيب ويندوز فانت تقوم بعمل فورمات للبرتشن لصيغة NTFS نظام NTFS يدعم نقل وتخزين الملفات باحجام كبيرة جدا كما لا يوجد حدود لحجم البارتشن كما هو حال في FAT32 ويتميز ايضا في نظام الحماية حيث يحتوي علي خاصية USN Journal التي تمكن الوندوز بعمل هيستوري للتغيرات الخاصة بالملف فيمكنك عمل Backup و ريستور بسهولة وفيه كمان خاصية Shadow Copy الي بتمكن الوندوز من عمل بيك اب للملفات حتي وهي شغالة
وغيرها مميزات كتير خاصة بالحماية
المميزات:
- عدم التقيد بمساحة معينة لنقل الملفات
- خواص الحماية اكبر مثل USN Journal و Shadow Copy
العيوب : يدعم فقط انظمة تشغيل ويندوز والماك قراءة فقط يمكنك فتح ملف ولا يمكنك التعديل عليه وبعض توزيعات لينكس قراءة فقط ايضا ولا يدعم اي اجهزة الالعاب Counsels الا Xbox one
exFAT
نظام ملفات ظهر اول مرة سنة 2006 ودعمته مايكروسوفت في نسخ الويندوز السابقة زي xp وفيستا وبيعتبر تحديث لل FAT32 حيث انه زي بالظبط ولكن بيدعم نقل وتخزين الملفات اكبر من 4 جيجا ولكن مش موجود فيه خواص الحماية الي في NTFS
المميزات : مدعوم من اغلب الشركات زي شركات الكاميرات Canon و Nikon ومدعوم ايضا من الماك وبالنسبة لاجهزة الالعاب مدعوم من PS4 و Xbox one ولكن مش مدعوم من Ps3 و Xbox 360
الخلاصة : نظام FAT32 نظام قديم افضل نظام NTFS لاجهزة الويندوز افضل نظام لل USB Memory وكروت الذاكرة هو exFAT شكراا
